موضوع هام جدا

لعل الله ينفعني واياكم بذلك الموضوع لاني بجد شيفاه مهم جداااااااااااااااا والا ما كنتش حبيت اكلمكم فيه
واحده هتقول ما تخلصي يا اختي وادخلي في الموضوع علطول هقولهااستني بس خلي عندك صبر هقول اهو
شفتم انتم مش صابرين اذاي اهو ده بالظبط جزء من الموضوع اللي هكلم فيه
حبايبي في الله أما عضوة تدخل وتكتب موضوع وقصدها تفيدكم يبقى جزاها الله كل خير
نفرض انها أتاخرت في تنزيل باقي الموضوع
نقوم قعدين نتريق ونضحك ونهرج وننسى خالص ان الانسانة ديه من دم ولحم بتحس ذيك بالظبط لو انتي مكانها مش هتحزني مش هتزعلي
طب ولو عضوة تانية جت تحكي ليكم مشكلتها وعلى اللي تاعبها ليه نجرحها او نأذيها بكلمة هي تعبانة لوحدها مش ناقصة كلمة زيادة
تعملي ايه لو وقفت قدام ربنا يوم القيامة وقالت يا رب العضوة ديه قالت كلمة جرحتني اوي وخلت دموعي تنزل وقلبي مكسور ومقهور
ليه يا حبيبتي انتي دخله تشيلي ذنوب هو الواحد ناقص
هتستحملي تقفي قدام ربنا وهي بتشتكيكي ليه
حبي لاختك اللي انتي بتحبيه لنفسك
لسه برضه مش مقتنعة بكلامي طب تعالي شوفي الحديث ده وبعدين نكلم تانيقال رسول الله صل الله عليه وسلم (( إن العبد ليقول الكلمة لا يقولها إلا ليضحك بها المجلس، يهوي بها أبعد ما بين السماء والأرض، وإن المرء ليزل عن لسانه أشد مما يزل عن قدميه))شوفي انتي ضحكتي عليها كام عضوة شوفي انتي اذتيها اد ايه شوفي انتي جرحتيها وقهرتي قلبها اذاي ليه علشان واحده تضحك وتقولك والله دمك عسل طب ابقي خليها تنفعك يوم القيامة
طب تعالي نشوف لو قلتي لاختك كلمة طيبة وكويسة ربنا هيجزيكي في الدنيا والاخرة
ممكن تدخلي بكلمة طيبة الجنة
بكلمة تفرحي بيها قلب اختك وتدعيلك من قلبها بصدق تكون سبب في دخولك الجنة
الجنة غالية اوي ولازم تدفعي تمنها علشان تدخليها
الجنة نعيم يا حبيبتي والنار شقاء
طب تعالي شوفي كمان الحديث دهقال رسول الله صل الله عليه وسلم (( اتقوا النار ولو بشق تمرة فإن لم يكن فبكلمة طيبة))
شوفي كمان النبي عليه الصلاة والسلام قال ( الكلمة الطيبة صدقة )
يعني انا اما اطيب خاطر اختي في الله بكلمة ابقى بتصدق اه ما هو النبي صل الله عليه وسلم قال كده
انتي فين يا اختي في الله من الثواب ده
ياااااااه انتي سايبة كل الثواب ده
شوفي بقى ربك وحبيبك قال ايه

قال تعالى ﴿ أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ (24) تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ (25) وَمَثَلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِنْ فَوْقِ الْأَرْضِ مَا لَهَا مِنْ قَرَارٍ (26) يُثَبِّتُ اللَّهُ الَّذِينَ آَمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآَخِرَةِ وَيُضِلُّ اللَّهُ الظَّالِمِينَ وَيَفْعَلُ اللَّهُ مَا يَشَاءُ (27)﴾

قال الله تعالى :- (( وقولوا للناس حسناً )).وقال سبحانه:-(( وقل لعبادي يقولوا التي هي أحسن ))

وقال سبحانه :-(( إليه يصعد الكلم الطيب والعمل الصالح يرفعه ))

استغفري ربك وتوبي واعتذري لكل اخت ليكي عن كلمة وحشة قولتيها في حقها اتقي ربك
(واتقوا يوما ترجعون فيه الى الله)

بصي بقى يا حبيبتي هنتفق اتفاق لو مش عجبك الموضوع او متضايقة منه او الموضوع مستفزك ما ترديش
ايه بتقولي ايه بقول زي ما سمعتي كده ما ترديش
هتقولي لا لا لا ده انا دمي بيفور سعات وببقى عايزة ارد عليها وابهدلها
طب وبعد ما تعملي كده هتستفيدي ايه غير انك هتشيلي ذنوب وواحده ممكن تدعي عليكي انتي في غنى عن كل ده
قال رسول الله صل الله عليه وسلم: (( من كان يؤمن بالله واليوم الآخر فليقل خيراً أو ليصمت ))
يبقى يا تقولي خير يا اما تسكتي خالص ارجوكي
ده النبي صل الله عليه وسلم اللي قالك كده اسمعي كلام حبيبك المصطفى صل الله عليه وسلم

تعالي بقى شوفي بعد ما تعملي كل ده وقلتي كلام كويس وكلمة طيبة هيكون ليكي ايه ان شاء الله

عن النبي صلى الله عليه وسلم قال: (( في الجنة غرفة يُـرى ظاهرها من باطنها، وباطنها من ظاهرها)) فقال أبو مالك الأشعري: لمن هي يا رسول الله ؟ قال: " لمن أطاب الكلام، وأطعم الطعام، وبات والناس نيام))

لكن شوفي لو اكلمتي بكلمة وحشة او سيئة ممكن يبقى جزاكي ايه

عن النبي صلى الله عليه وسلم قال ( إن الرجل ليتكلم بالكلمة لا يرى بها بأسا يهوي بها سبعين خريفا في النار) .

عن النبي صلى الله عليه وسلم قال ( إن الرجل ليتكلم بالكلمة من رضوان الله لا يلقي لها بالا يرفعه الله بها درجات ، وإن العبد ليتكلم بالكلمة من سخط الله لا يلقي لها بالا يهوي بها في جهنم )

حبيبتي في الله بالله عليكم الدنيا مش مستهلة ان احنا نجرح بعض ونتعب بعض ولو بكلمة ما هو اللي بيتعبنا هو الكلام لو كل واحدة خلتها في حالها ومات اكلمتش الناس هترتاح
لو كل واحده ما سألتش اختها وقالت لها انتي ما اجوزتيش ليه لحد دلوقت
انتي ما خلفتيش ليه روحي اكشفي
انتي اتطلقتي انتي وجوزك ليه
انتي ابنك غبي كده ليه
الناس هترتاح يا ستي كفايه بقى تجريح وتعب في الناس الناس لوحدها تعبانة
انا حبيت انصح نفسي وانصحكم لوجه الله تعالى
وارجو منكم انكم تقروا الموضوع كله لعله يكون فيه النصح والافادةاذا عجبك موقعنا نتشرف بزيارتك لنا مرة اخرى

اكتب في جوجل مدونة ساره ستايل وادخل اول رابط

شكراً لاهتمامكم ^_^

اكتب في جوجل مدونة ساره ستايل وادخل اول رابط

شكراً لاهتمامكم ^_^

بقلم ساره نجم

انا ساره نجم اعشق التتدوين والموضة وصممت هذه المدونة لمتابعة احدث صيحات الموضة وافادة البنات في مشاكلهم ومساعدتكم في حلها ومساعدة المتزوجين في حياتهم الزوجية وابدي لهم نصائح جنسية بالطريقة الاسلامية ارجو منكم زيارة مدونتي دائماً ومتابعة جديد ( اكتب في جوجل مدونة ساره ستايل وادخل اول رابط ) شكراً لكم